Create your Account
شركة جريس لاند لخدمات الشحن
شركة جريس لاند لخدمات الشحن
الطيب عبد الماجد عمر الشاعر ترجمان الحروف وعازف الألحان
- Auth admin
- 29 Jul, 2025
- 96
شركة شحن
( هدنة )
( عمر الشاعر )
ترجمان الحروف وعازف الألحان
( وجهو الصبوح ومنّور )
وهاهو ( القاش ) يفيض من جديد فدفع ب ( عمر الشاعر ) مترجم المشاعر وعازف الأوتار
وكان ( القاش ) في حياته مرتين صباح وسلاح …
القاش ( الفيضان ) وقاش ( مليان )
وفي الاتنين ( مالي قاشو )
ماعارف ليي ملامح ( عمر الشاعر ) بتذكرني الأطفال ؟؟
إمكن لأنو قلبو زيهم ..؟؟
( غالباً ) ..!!
فأخرج لنا هذا القلب الرقيق ألحاناً شجية وموسيقى عبقرية
جمال إنسان وروح فنان ….
رقة مشاعر وعمر الشاعر
كان مدرسة في الألحان ( أي لحن ما بشبه التاني )
ورغم الفرح الذي يبدو على محياه ( الولوف ) لكن الشجّن الذي بدواخله يشِع في ألحانه ولايقوى على ممارسة الكسوف …..!!
والعزيزة
ذلكم اللحن ( الأسطوري ) لواحدة من ( أرق ) الأغنيات السودانية التي كتبها ( المتدفق ) ( سعد الدين ابراهيم )
والعزيزة الما بتسأل عن ظروفنا
ياخ ( سعد ) دا كتب عن حبيبتي بقولكم …..
( بقت حبيبتنا كلنا )
قال مرة غنت عن هوانا …فرّحت كل الحزانى
ومرة لاقت في المدينة الحمامات الحزينة
قامت أدّتا من حنانا
شدُّوا أوتار الضلوع
أنا بحكي ليكم عن حنانا
ولسا برضي حاقولكم
يلا صفقوا كلكم
نصفق !!!؟؟
والله نصفق ونعلق ونصفّر ذاتو
فوجد فيها كل عاشق ( ليلاه ) ولا استثني ( عركي ) و ( عفافه ) ..
وسأعود اليك يا طائر السعد منفصلاً لأخبر الناس عنك وعن الوسامة …..!!
و عزيزة ( سعد الدين ) لحنها ( عمر الشاعر ) بالتخصص فجمّل بها الأماسي وغناها ( الطيب مدثر ) بالاستلاف فلعب بها أساسي والمواعيد لسة حزنانة بتنادي …!!
شوف السودان لما كان هادي …!!
تمدد فيه الشجن وغنى الوطن …تدفقت ( المداين ) وسالت البوادي …
والأماسي بتبكي في أسى ما إعتيادي
ما كنتي بهجتا بي روايع قوس قزح
والله ما طلانا من بعدك فرح
(راجين الله ) ..!
والفؤاد دايماً بنادي ..
السودان ما بموت والفرح بشبهو
الدنيا غدارة …حرقتنا بي نارا ..
ويا كريم أطفيها
وسلميلنا على ضفايرك موجة موجة وكلميها
قولي ليها حرام تتوه فيها المواسم ونحنا بالجد نشتهيها
والله أحضانك بلد يا حلوة ما تنسينا فيها
( تبعثر مدادي في هذه الأثناء فنحن نعبر الأجواء السودانية )
والوحيدة الطال عشان جيتك وقوفنا
( عمر الشاعر ) زول جميل و( وش ) باسم …وموهوب
لحّن ( السنين ضاعت وا حسرتي ..!! لا الطيبة أجدت لادمعتي لكروان ( الجزيرة ) ( عبد العزيز المبارك )
فكان لقاء ( كسلا ) و ( مدني ) …
عناق السواقي وتماس الحقول ..!!
( خدار لاقى خدار )
( والخدار مرق لوداري)
لحّن ( الشاعر ) لفنانين كُثر لكن ثنائيته مع العندليب زيدان دي ( كوم برا ) ….. !!
وتُدَرّس
و ( زيدان ابراهيم ) قيثارة الطرب وعبقرية الأداء وصدق المعاني ….وتتبدل مع الأيام حرام ياغالي تتبدل
( دا كمان هلاوي عندما يكتمل قمراً )
( كسلا ( كلمات وألحان ) والغُنا ( زيدان )
( ونسة المدن وهمس البيوت )
( ونتقابل بدون كلمات ولالمسة حنان تسأل )
فكانت أغنية من هناك …
اضافت ( مفردة ) وأصاب ( عمر )
فدفع من روحه وهو يدوزن هذا اللحن ( الفسيح )
( باصاهو ) ( بيني ) لي ( زيدان ) الذي لعبها ( بالمقاس ) فاستقرت في سقف مرمى العاشقين
وقد جمعتهما الروح والألحان ……الكلمة والأشعار
وكسلا ….!!
( هلاوي ) دا كتب لي ( زيدان ) ومن ألحان زيدان ذاتو
واغلطو إنتو يا أحباب
نجيكم نحنا بالأعذار
( صفرجت )
لم يتأخر ( التجاني حاج موسى ) كثيراً في الرد على هذا
البيت ( الفلتة )
ففاض ( بحر أبيض ) بهناك ومضادات ( التجاني ) اشتعلت
قال
( إذا الخاطر سرح عنك تأكد إنو راح ليكا )
ونحن راح لينا الدرب ( وأظن زيدان نفسو )
ولم نستطع تحديد أيهما الأكثر جمالاً وإبهار
( عُذر ) هلاوي ولا ( خاطر ) التجاني ..!؟؟؟
( القاش وبحر أبيض فيضانات تقيلة والحديث عن ضحايا )
ودي لحنا ( العازف ) عن الاضواء و ( العازف ) على القلوب ( سليمان أبو داوود )
ناس كتيره ما بتعرفو كويس
ياخ دا لحّن ( خصل شعرك ) لخالدي وكثير من اغنياته
فشفناها خُصلة خُصلة …
يكفي هذا الرقيق إنو لحّن الجميلة ….
أتعلمنــــــــا من ريــــــــــدانحب الدنيـــــا ونريــــــــــدا
وجانا الريد يعلمنا نعيش الدنيا بالاحساس
نســــامح بي قليب طيــــــب
نشيل الريـــد في كل
الناس
ودا لحن داير قلب زي دا وأظن أن سليمان كان يملكه رحمه الله
( عمر الشاعر ) لحن ( أخونك ) و ( في الليلة ديك )
ولو ( عارف عيونك ) و ( عشان عارفني بستناك ) ل ل( الحنين ) ( حمد الريح )
( واحلى عيون بنريدا ) …دي لحّنا لي ( عزيز ) …
وفي زول علمنا الريدة
لاقى ابراهيم حسين جوه ( كسلا ) في واحده من أجمل أغنياته عشناك منى يا أجمل غُنا ان شاءالله في عشه هاديه فرحة تلمنا
والتقى مع العصفور ( الجابري ) في ( ما نسيناك )
ولقاء الجابري وعمر الشاعر دي ( منطقة عمليات ) منزوعة ( الألغام )مزروعة ب ( الأنغام ) ..
شلال عذوبة وفيضان مشاعر ….!!
والله قادر
وما نسيناك جايي تعمل إيه معانا
بعد ما بدلتنا
ما سقيناك أحلى ما في عمرنا
من عواطف ….
وما لقيناك..
( وهنا سأسكت قليلاً إحتراماً لهذا الرقيق )
( كتبا ) أمير الشرق أبو آمنة حامد
عمر الشاعر لحّن ( وسط الزهور متصور وجهو الصبوح ومنور ) …
فرأينا المشهد أمامنا صورة وصوت …!!
وريحة …
التحق ( الشاعر ) بمعهد الموسيقى ليضيف للموهبة ( حرف )
وقبلها بالجيش وتدرج في الرتب فكان ( أرق ) ( عميد ) عرفه ( الميري ) مع الملهم ( اليوزباشي ) ( عوض أحمد خليفة ) جنرال القلوب وعراب الجمال …..
( لا عارفين نرفع التمام ولا نحي الغمام )
وعوض دا موهوب بالفطرة …متدفق بالتخصص رقيق بالإحساس …!!
ولعّاب …!!
كتب أجمل الاغنيات ونثر فينا الورود والأشواق….وضيعني ساكن الموردة …
التى أنجبته ومنحته رضاها …فتقدم ببزته العسكريه أخضر وقلبو أخضر …
توارت ( البنادق ) …وأطلت الحدائق
في كتيبة الزهور
( السان ) دا لعب مع عثمان حسين ( مان تو مان )
فقدما درر وسطروا ألحان
وكانت ( ربيع الدنيا ) لقاء قمة وشلال جمال
( عوض ) تجلى ….و ( عثمان ) تدفق …والذواقة (طشوا )
وأنا فيك عشقت الروعة ما أحلاها فى الدل والدلال
( دا السودان لما كان مُقفِل )
والمعاني الراسمة نور إشراقة في عينيك ظلال
ومن قلبى من أجل المحبة وهبت ليك شعر الغزل
مع إنو قدامى الطريق أنا عارفو يالسمحة انقفل
ومافى قسمة ….يانور قلبى حتى بصيص أمل
ما قدرت أقرب من ضراك وماقدرت لى فراقك أصل
( نحنا هسا البوصلنا شنو ) ….!!
الكاهن بفصِل ( ألحانو ) براهو فبلسناها وشاح
و( خليفة ) شال الليل كلام هدهد عوينات الصباح
و( ماشفتو عوض يا ساري الليل ) ..؟؟؟
ملأوا الدنيا غيوماً ونجوم وكانو أقماراً في سماء
الكلمة أساطين في دنيا الفنون ..
قبل ماتغّيم سمانا ونطرى سِدرة منتهانا
وماكنت عارف ياريت …يا ريتني كنت عارف
( ودي برضو لحّنا عمر الشاعر )
( عمر الشاعر ) لم يكن ملحناً بقدر ما كان ملهماً سكب من روحه ( العطشى ) في ألحانه ( الروية ) فمشت على ( مقلتين )
ووصلت وجدان السودانيين الذين أتعبتهم السنين
فوجدوا فيها سلوى ومتكأ من لفح الهجير
شوقاً وحنين
( واقول أصبر على الهجران أقول أنساك لابدا )
لقد أفرغ ( عمر الشاعر ) كل ( ذخيرته ) حباً ولحناً وحياة ….فأصاب االشعور ..
ونهديك المشاعر و ( تصون ) الأمانة
ترجّل ( العميد ) وترك سلاحه أرضاً ( نشيد )
وقد خُلِق السلاح ليحرس الصباح …!
والصباح إن لاح
صحي يا عمر ..!؟؟؟
الملحن العذب ..والعميد أركان ( حب )
ومين علمك يافراش ..!!!؟؟
شركة جريس لاند لخدمات الشحن المختلفة
هل لديك تعليق؟
لن نقوم بمشاركة عنوان بريدك الالكتروني، من اجل التعليق يجب عليك ملئ الحقول التي امامها *
بحث
الاصناف
معرض الصور
الاشارات
مواقع التواصل
الاخبار المشابهة
.jpg){kind=tracking}
.jpg)
البديل برس .. مؤسسة اخبارية مستقلة وشاملة .. شعارنا .. الدقة والشفافية والموضوعية في تناول القضايا السياسية والاقتصادية والاجتماعية والالتزام بمبادئ الصحافة الحرة.. هدفنا .. تقديم خدمة إخبارية مميزة ومختلفة.. من خلال متابعتنا للاحداث اول باول على مدار ٢٤ ساعة.. البديل برس .. منبر كل السودانيين الاراء المنشورة في الموقع لا تعبر بالضرورة عن رأي الموقع وانما عن رأي كاتبها
المقالات الاكثر شهرة
-
تعرف علي انواع فصائل دم الحيوانات
- 19 Mar, 2023
-
-
النيل يبتلع 14 شابا
- 30 Nov, -0001